ზურაბ ჯაფარიძე, რომელიც დეპუტატი აღარ არის, ქონებრივი დეკლარაციის არშევსების გამო დააჯარიმეს
გამოქვეყნდა:
"გირჩი - მეტი თავისუფლების" ლიდერი ზურაბ ჯაფარიძე, ქონებრივი დეკლარაციის არშევსების გამო 1000 ლარით დააჯარიმეს.
"ჯერ შენ ვინ გეკითხება, პარლამენტში უნდა იყოო. მერე, ოკ, არ გინდა და ნუ გინდაო.მერე, სანამ არ გიშვებდით და ფორმალურად აქ იყავი, იქნებ ფული გააკეთე, დეკლარაცია გვანახეო. ახლა, რადგან არ გვანახე, 1,000 ლარი გადაიხადე და ისე გვანახე, თორემ სისხლის სამართლის პასუხისგებაში მიგცემთო. ამ სისხლის სამართლის საქმის ბოლო - მანდატის გაუქმებაა,რომელიც ისედაც აღარ მაქვს პ.ს. ლარი არ ამიღია ხელფასი ამ მოწვევის პარლამენტში " - წერს ზურაბ ჯაფარიძე.
საპარლამენტო მანდატი გირჩი მეტი თავისუფლების წევრს, ჯერ კიდევ გასული წლის ნოემბერში, მისივე განცხადების საფუძველზე შეუწყვიტეს. მის ნაცვლად საკანონმდებლო ორგანოში ჰერმან საბო შევიდა.
