ჩემ წინააღმდეგ მიმართული დისკრედიტაციის კამპანიის მიზანი ქართული ჯარის იმიჯის დაკნინებაა - ღარიბაშვილი
გამოქვეყნდა:
ირაკლი ღარიბაშვილი მის წინააღმდეგ მიზანმიმართულ დისკრედიტაციაზე საუბრობს და ამბობს, რომ ამ კამპანიის მიზანი ქართული ჯარის დაკნინებაა.
ირაკლი ღარიბაშვილი ჯარისკაცების ფეხსაცმელების სკანდალს გამოეხმურა და აღნიშნა, რომ ადგილი აქვს მანიპულაციებს და დეზინფორმაციას
სამხედრო ფეხსაცმლის, კვების, ფორმის, ჩოხების, საათების თუ სადეზინფექციო ხსნარის შეძენის საკითხით მანიპულირებენ. ჩვენში განსაკუთრებით შეშფოთებას იწვევს თავდაცვის უწყებაში განხორციელებული და მიმდინარე წარმატებული პროექტების წინააღმდეგ მიმართული კამპანია, რომლის საბოლოო მიზანს წარმოადგენს თავდაცვის უნარიანობის მოშლა და საბრძოლო სულისკევეთების დაქვეითება- ამბობს ღარიბაშვილი.
მისი თქმით, დეზინფორმაციული კამპანია მას შემდგ გააქტიურდა, რაც პანდემიასთან ბრძოლაში თავდაცვის ძალებმა ეფექტიურად იმუშავეს:
დესტრუქციულმა ძალამ განიზრახა თავდაცვის სამინისტროს, როგორც ერთ-ერთი წარმატებული უწყების და მისი ხელმძღვანელობის იმიჯის დაკნინება. საბოლოო ჯამში, დესტრუქციული ძალების მიერ თავდაცვის ძალებისა და პირადად ჩემ წინააღმდეგ მიმართული დისკრედიტაციის კამპანიის მიზანია, მოსახლეობის თვალში ქართული ჯარის, როგორც მნიშვნელოვანი სახელმწიფო ინსტიტუტის იმიჯის დაკნინება - ამბობს ღარიბაშვილი.
ირაკლი ღარიბაშვილს საკანონმდებლო ორგანოში "მინისტრის საათის" ფორმატში უსმენდნენ. სხდომას "ნაციონალური მოძრაობისა" და "ევროპული საქართველოს" წარმომადგენლები არ დასწრებიან.
