თოჯინების თეატრზე მეოცნებე ახალგაზრდა დაბა შაომიანიდან, რომელმაც ბავშვობის ოცნებების საკუთარი ხელით ახდენა გადაწყვიტა. არმენ ოგანეზიანმა ჯერ თოჯინების კეთება ისწავლა, შემდეგ ნანატრი თეატრიც საკუთარი ხელითვე შექმნა და აქაური ბავშვებიც ახალ, ჯადოსნურ სამყაროს აზიარა.
თვითნასწავლი არტისტი ახლა იმაზე ოცნებობს, მისი დაუჯერებელი ზღაპარი ნამდვილ თეატრად გადააქციოს, რომელიც მრავალეთნიკურ რეგიონში კულტურული ხიდის როლს შეასრულებს კავკასიელ ერებს შორის.
