ნატოს გენერალური მდივანი, იენ სტოლტენბერგი ნორვეგიის ცენტრალური ბანკის ახალი ხელმძღვანელი გახდება, - ამის შესახებ ინფორმაციას Reuters ავრცელებს.
იენ სტოლტენბერგი ახალ თანამდებობაზე, საპროცენტო განაკვეთების დაწესებასა და ფინანსური სტაბილურობის მართვაზე იქნება პასუხისმგებელი, ისევე როგორც ნორვეგიის სუვერენული სიმდიდრის ფონდის ზედამხედველობაზე, რომელსაც მსოფლიოში უდიდესი აქტივები აქვს - 1.4 ტრილიონი დოლარი.
„დაინტერესებული ვიყავი ნორვეგიისთვის ცენტრალური ბანკის საუკეთესო მმართველის გამოვლენით და დარწმუნებული ვარ, რომ ეს იენს სტოლტენბერგია“, - ამბობს ნორვეგიის ფინანსთა მინისტრი.
იენ სტოლტენბერგი, ნორვეგიის ცენტრალური ბანკის მმართველის მოვალეობების შესრულებას ნატოს გენერალური მდივნის მანდატის ამოწურვის შემდეგ შეუდგება.
