კომპანია META-მ ერთ დღეში 200 მილიარდი დოლარი დაკარგა - ინფორმაცია უცხოურ მედიაში ვრცელდება. ანგარიშებზე დაყრდნობით ცნობილი ხდება, რომ კომპანიას კვარტლური მოგება შეუმცირდა, რამაც ინვესტორებს აქციების გაყიდვისკენ უბიძგა. ჯამში, ამ ყველაფრით, META-მ ერთ დღეში ღირებულების 25% დაკარგა, ეს კი 200 მილიარდ დოლარიანი დანაკარგია.
საბაზრო ღირებულების ასეთი მკვეთრი ვარდნა ისტორიის განმავლობაში არცერთ ამერიკულ კომპანიას არ ჰქონია. Meta-მ ადგილი მსოფლიოს უმდიდრესი კომპანიების სიაშიც დაკარგა და ერთი ნიშნულით ქვევით დაიწია.
ანალიტიკოსების აზრით, ამ ყველაფერს რამდენიმე მიზეზი აქვს - Facebook დაბერდა და მას ახალგაზრდა მომხმარებლების მოზიდვა უჭირს, ის ვეღარ უწევს კონკურენციას TikTok-ს. ვარდნაზე გავლენა იქონია Apple-ის მიერ უსაფრთხოების წესების შეცვლამ და თვითონ Meta-ს მიერვე მეტავერსის დაანონსებამაც.
ცნობისთვის, Facebook-მა რებრენდინგი 2021 წელს დაიწყო და სამყაროს Meta-დ მოევლინა.
