საკადრო ცვლილებები მინისტრთა კაბინეტში | თურნავას გაშვებას "ოცნების" შიდა კლანურ დაპირისპირებას უკავშირებენ
გამოქვეყნდა:
"მთავარი არხის" პროგნოზი გამართლდა. პრემიერმინისტრმა დღეს ის სამთავრობო ცვლილებები განახორციელა რომლებზეც "მთავარი" არაერთხელ საუბრობდა.
ეკონომიკის მინისტრი პოსტიდან გაუშვეს. ანაკლიის პორტის და ნამახვან ჰესის მშენებლობების სრული შეჩერება - ორი მთავარი ანტი-მიღწევაა, რომლებითაც ნათია თურნავა თანამდებობას ტოვებს. თუმცა ასე მხოლოდ ოპოზიცია ფიქრობს - მმართველ პარტიაში კვლავ სჯერათ, რომ მინისტრმა მისთვის მინდობილი ეკონომიკა დუღილის ტემპერატურამდე მიიყვანა.
თურნავას გაშვების რეალურ მოტივად კი კვლავ "ქართული ოცნების" შიდა კლანური დაპირისპირებები სახელდება - ექსპერტების შეფასებით, პრემიერის პოლიტიკურ მოტივებს ახალი დანიშვნები ადასტურებს, რომლებსაც რეალური, ეკონომიკური შედეგი არ ექნება.
