კორონავირუსით გარდაცვლილი მე-14 პაციენტი ეროვნული ბანკის თანამშრომელი იყო
გამოქვეყნდა:
კორონავირუსით გარდაცვლილი მე-14 პაციენტი ეროვნული ბანკის თანამშრომელი იყო, - ამის შესახებ განცხადებას თავად ეროვნული ბანკი ავრცელებს.
ძალიან სამწუხარო ამბავი... გუშინ საუნივერსიტეტო კლინიკაში კორონავირუსით (COVID-19) ეროვნული ბანკის თანამშრომელი გარდაიცვალა. ეროვნული ბანკი უდიდეს მწუხარებას გამოთქვამს თანამშრომლის გარდაცვალების გამო და უსამძიმრებს მის ოჯახს, ახლობლებს და კოლეგებს... - ნათქვამია განცხადებაში.
შეგახსენებთ, რომ საქართველოში კორონავირუსით მე-14 პაციენტი, 68 წლის კაცი გარდაიცვალა.
კორონავირუსის პირველი დადასტურებული შემთხვევა, ქვეყანაში 26 თებერვალს დაფიქსირდა. ამ დროისთვის ინფიცირების 851 შემთხვევა ფიქსირდება, საიდანაც 702 გამოჯანმრთელდა.
