რუსული შენაერთები და რაკეტები უკრაინის საზღვრისკენ მიიწევს - CNN-მა ვიდეოები შეისწავლა [VIDEO]
გამოქვეყნდა:
რუსული შენაერთები და რაკეტები უკრაინის საზღვრისკენ მიიწევს - ამის შესახებ CNN წერს და შესაბამის ვიდეომასალას აქვეყნებს.
ზოგიერთი ვიდეო ოფიციალური წყაროებიდან მოდის, უმეტესობა კი TikTok-დან ან YouTube-დანაა. მათ ონლაინ დამკვირვებლები აანალიზებენ და ხშირად სატელიტურ სურათებს ავსებენ.
"უკრაინის საზღვართან რუსული ძალების დაგროვება დიდი სისწრაფით გრძელდება, დაწყებული წყალქვეშა ნავებითა და სადესანტო გემებით შავ ზღვაში, გაგრძელებული მცირე რადიუსის ბალისტიკური რაკეტებით, ტანკებითა და ჰაუბიცებით უკრაინის ჩრდილო-აღმოსავლეთ საზღვრებთან" - წერს CNN.
სამხედრო ტექნიკა ობტიაბრსკში, ბელგოროდის ოლქი.
სოფელი სერეტენო, საზღვრიდან დაახლოებით 15 მილის (24 კილომეტრის) დაშორებით. ისინი ატვირთეს კვირას და აჩვენებენ ტანკებს, რომლებიც მოძრაობენ ტერიტორიაზე.
რუსული ძალები ასევე ღამით მოძრაობენ ტერიტორიაზე. ვიდეოში ასახულია ტანკების გადაადგილება.
CNN-ის ცნობით, აქ უფრო მეტი თოვლია, ვიდრე სამხრეთით - ბელგოროდის მახლობლად მდებარე სოფელში:
გამოცემის ცნობით, ვორონეჟის მიმდებარე ტერიტორიაზე (რუსეთის დასავლეთი) ბოლო ორი დღის განმავლობაში ტანკებისა და ქვეითთა საბრძოლო მანქანების დიდი კოლექცია გადაიღეს გამვლელი მატარებლიდან. ანალიტიკოსების აზრით, ისინი რუსეთის პირველი გვარდიის სატანკო არმიის ნაწილია.
ბოლო რამდენიმე დღის განმავლობაში სოციალურ ქსელებში უფრო მეტ ვიდეოში გამოჩნდა ვერტმფრენების მობილიზების უკრაინის საზღვართან. მათ შეუძლიათ მნიშვნელოვანი დაცვა სახმელეთო ჯარების შეტევის შემთხვევაში. გადაღებულია ბელგოროდის მახლობლად:
რუსული დანადგარები მოიცავს ტანკებს, ქვეითთა საბრძოლო მანქანებს, რომლებიც ცნობილია როგორც BMP და თვითმავალი არტილერია. გადაღებულიაქ ბელგოროდის გარეუბანში მატარებელზე:
ბევრი ტექნიკა მიემგზავრება სამხრეთით ქალაქ კურსკიდან. CNN-მა დაადგინა რომ ეს ვიდეო, შაბათს არის გადაღებული.
განსაკუთრებით შემაშფოთებელია Iskander-M - ის მცირე რადიუსის ბალისტიკური რაკეტების კოლონების მოძრაობა, ბოლო რამდენიმე კვირის განმავლობაში დასავლეთ რუსეთის სხვადასხვა რაიონში.
CNN-მა ამ კოლონის გეოლოკაცია, რომელიც მოიცავს რამდენიმე სარაკეტო გამშვებს, უკრაინის საზღვრიდან ჩრდილოეთით 15 მილში (24 კილომეტრში) მოახდინა.
