ირაკლი დგებუაძე, რომელიც ოპოზიციის წინააღმდეგ დღეს ყველაზე აგრესიული იყო, აჭარის პოლიციის უფროსად დანიშნეს
გამოქვეყნდა:
ხმაური და დაპირისპირება ბათუმში დღეს 6 ადამიანის დაკავებით დასრულდა. პოლიციის და სპეცდანიშნულების რაზმებმა, ოპოზიციის წევრებზე იერიში მას შემდეგ მიიტანეს, რაც ნაციონალური მოძრაობა ირაკლი კობახიძესთან შეხვედრას ცდილობდა;
ქართული ოცნების თავმჯდომარისგან ოპოზიციის წევრებს, ნუგზარ ფუტკარაძის მკვლელობის შესახებ, კითხვებზე პასუხების მიღება სურდათ, თუმცა პოლიციამ ისინი სასტუმრო "ჰილტონიდან" ძალის გამოყენებით გაიყვანა, მათ შორის, გარდაცვლილი ნუგზარ ფუტაკრაძის და - ნაზი ფუტკარაძე;
დაპირისპირების დროს დაშავდა, ნაციონალური მოძრაობის წევრი, ელგუჯა ბაგრატიონი, რომელიც კლინიკაში გადაიყვანეს; ხმაურს ირაკლი კობახიძე არ შეუწუხებია. მმართველი პარტიის თავმჯდომარემ დღეს ნაზი ფუტკარაძესთან შეხვედრა არ ისურვა და ოპოზიცია პოლიტიკურ სპეკულაციებში დაადანაშაულა;
დღის ბოლოს კი მმართველი პარტიის გადაწყვეტილებით, ირაკლი დგებუაძე, რომელიც დღეს ოპოზიციის წინააღმდეგ ყველაზე აგრესიული იყო, აჭარის პოლიციის უფროსად დანიშნეს;
