
ვიზები და ავიამიმოსვლა - რუსეთ-საქართველოს ურთიერთობაში მოსაგვარებელ მთავარ პრობლემებად გრიგორი კარასინი ამ ორ საკითხს ასახელებს.
რუსი პოლიტიკოსის თქმით, საქართველოს პრემიერმინისტრის წარმომადგენელთან, ზურაბ აბაშიძესთან მუდმივ კონტაქტზეა და არ გამორიცხავს, რომ უახლოეს მომავალში მასთან შეხვედრები გაიმართოს. კარასინის განცხადებით, შეხვედრებზე საუბარი შეიძლება 3+3 ფორმატსა და რეგიონულ პოლიტიკაზეც გაიმართოს.