დღეს ზუგდიდში საკრებულოს სხდომა კვორუმის არარსებობის გამო გადაიდო.
საკრებულოს სხდომას "ნაციონალური მოძრაობის" წევრები არ ესწრებოდნენ- ენმ-ის ორი დეპუტატი, რომელსაც კოვიდის სიმპტომები აქვთ თვითიზოლაციაში არიან გადასული და ამ დროისთვის PCR ტესტის პასუხებს ელოდებიან. შესაბამისად, სხდომაზე არ მისულა არც მათთან კონტაქტში მყოფი საკრებულოს 8 დეპუტატი ენმ-დან.
ცნობისთვის, ზუგდიდში საკრებულოს თავმჯდომარის არჩევის შემდეგ დღეს პირველი სხდომა უნდა გამართულიყო, რომელზეც დეპუტატებს თავმჯდომარის მოადგილეები უნდა აერჩიათ.
ჯერჯერობით უცნობია, როდის გაიმართება საკრებულოს მორიგი სხდომა.
ავტორი: ემა გოგოხია.
