აღიარებიდან 1 საათში, მასიურად შევიდა ტექნიკა დონეცკსა და ლუგანსკში - უკრაინაში მებრძოლი ქართველი სამხედრო
გამოქვეყნდა:
უკრაინაში მებრძოლი ქართველი სამხედრო "მთავართან" გასული ღამის მოვლენებს იხსენებს და ამბობს,
რომ როგორც კი პუტინმა ოკუპირებული დონეცკის და ლუგანსკის დამოუკიდებლობა აღიარა, ზუსტად 1 საათში მასიურად შევიდა რუსული არმია დონეცკსა და ლუგანსკში.
"როგორც კი გუშინ, პუტინმა აღიარა ეს ე.წ. რესპუბლიკები, ზუსტად 1 საათში მასიურად შევიდა ტექნიკა დონეცკსა და ლუგანსკში... დილის რვა საათიდან 85- ჯერ იყო დაბომბვა სხვადასხვა მონაკვეთზე" - ამბობს ქართველი სამხედრო, ვანო ნადირაძე.
შეგახსენებთ, რომ პუტინმა ოკუპირებული დონეცკის და ლუგანსკის დამოუკიდებლობა აღიარა. მან ტერიტორიაზე ჯარების შეყვანის ბრძანებაც გასცა. ბრძანებაში ნათქვამია, რომ ტერიტორიაზე ჯარები "მშვიდობის დამყარების მიზნით" შეჰყავთ.
