არჩევნები სამართლიან და თავისუფალ გარემოში უნდა ჩატარდეს - განცხადება ამის შესახებ აშშ-ს ელჩმა კელი დეგნანმა, ლოპოტაზე პრემიერ მინისტრთან შეხვედრის შემდეგ გაკეთებული კომენტარის დროს გააკეთა.
კელი დეგნანი პანდემიის გამო, კენჭისყრის დღის გადატანის შესახებ გავრცელებულ ინფორმაციასაც გამოეხმაურა და აღნიშნა, რომ გადაწყვეტილება ამასთან დაკავშირებით ჯერ არ არსებობს.
დიპლომატიური კორპუსი 2020 წლის არჩევნების დემოკრატიულ გარემოში ჩატარების იმედს გამოთქვამს:
არჩევნები ძალიან მნიშვნელოვანი საკითხია, რომელსაც საერთაშორისო საზოგადოება ყურადღებით აკვირდება. საქართველოსთვის კი ეს იქნება შანსი დაანახოს მსოფლიოს, რამდენად დემოკრატიულ გარემოში ჩაატარებს კენჭისყრას - ამბობს კელი დეგნანი.
