დღეს, 4 მარტს ერგნეთში ინციდენტების პრევენციისა და მათზე რეაგირების მექანიზმის ფარგლებში მოლაპარაკებების მორიგი რაუნდი გაიმართება. საქართველოს მოქალაქეების გატაცება და უკანონო ბორდერიზაცია განხილვის მთავარი თემები იქნება.
ყურადღება გამახვილდება ოკუპირებულ ტერიტორიაზე უკანონო სამხედრო წვრთნებზე.
ცნობილია, რომ ცხინვალში ე.წ ძალოვან უწყებებში საგანგებო მდგომარეობაა გამოცხადებული. ცხინვალის საოკუპაციო რეჟიმის ტყვეობაში კვლავ რჩება საქართველოს 6 მოქალაქე. გამყოფ ხაზთან მდებარე სოფლებში კი მცოცავი ოკუპაცია გრძელდება.
