პუტინმა ხელი მოაწერა კანონს, რომლის მიხედვითაც რუსულ ჯარზე "ყალბი" ინფორმაციის გავრცელება სისხლის სამართლებრივი დანაშაული ხდება - ამის შესახებ ინფორმაციას BBC-ის რუსული ბიურო ავრცელებს.
გამოცემის ცნობით, "დანაშაულის სიმძიმიდან" გამომდინარე, სასჯელი 3-დან 15 წლამდე თავისუფლების აღკვეთას ითვალისწინებს.
პუტინის "სამართლის" მიხედვით:
- რუსეთის შეიარაღებული ძალების ქმედებების შესახებ ცრუ ინფორმაციის გავრცელებისთვის, დამნაშავეებს სამ წლამდე თავისუფლების აღკვეთა ემუქრებათ.
- თუ ყალბი ინფორმაცია გავრცელდა ორგანიზებული ჯგუფის მიერ და თან ახლდა მტკიცებულებების გაყალბება, მაქსიმალური სასჯელი 10 წლამდე იზრდება.
- თუ არასანდო ინფორმაციის გავრცელებამ სერიოზული შედეგები გამოიწვია, დამნაშავეებს 15 წლამდე თავისუფლების აღკვეთა ემუქრებათ.