COREPER II-მა ევროკომისია უკრაინა-საქართველო-მოლდოვის განაცხადის განსახილველად მოიწვია
გამოქვეყნდა:
ევროკავშირის მუდმივ წარმომადგენელთა კომიტეტი (COREPER II) უკრაინა-საქართველო-მოლდოვის
წევრობის განცხადების განსახილველად ევროკომისიის მოწვევაზე შეთანხმდა.
ინფორმაციას ევროპული საბჭოს საფრანგეთის დელეგაცია Twitter-ზე ავრცელებს.
რუსეთის მხრიდან უკრაინაში სამხედრო აგრესიის ფონზე, ქვეყნის პრეზიდენტმა ვოლოდიმირ ზელენსკიმ ევროკავშირში წევრობაზე განაცხადს ხელი 28 თებერვალს მოაწერა.
3 მარტს საქართველოს პრემიერმინისტრმა ხელი მოაწერა ევროკავშირის წევრობის კანდიდატის სტატუსის მისაღებად განაცხადს. საქართველოს შემდეგ კი, ასევე 3 მარტს, ევროკავშირში წევრობის კანდიდატის სტატუსის მისაღებად განაცხადი შეიტანა მოლდოვამაც.
