მოსკოვში მე-6 კლასელი ბავშვი დაკითხვაზე დაიბარეს ომზე "მიუღებელი კითხვები" დასმის გამო
გამოქვეყნდა:
მოსკოვში მე-6 კლასელი ბავშვი პოლიციამ გამოკითხვაზე დაიბარა, რადგან მან სკოლაში, პროპაგანდისტული გაკვეთილის დროს უკრაინაში მიმდინარე ომის შესახებ "მიუღებელი კითხვები" დასვა.
12 წლის კირილმა ისტორიის გაკვეთილზე მასწავლებელს ჰკითხა - თუ რატომ დაიწყო ომი პუტინმა, პასუხად კი მიიღო განმარტება, რომ ეს სპეცოპერაციაა და მაშინ დასრულდება, როცა უკრაინა კაპიტულაციას გამოაცხადებს.
ამის შემდეგ, კირილემ დერეფანში დაიყვირა - დიდება უკრაინას. გაკვეთილის შემდეგ ბავშვის დედა პოლიციაში დაიბარეს. ის შეხვედრაზე არ მივიდა, რის შემდეგაც სახლში მარტო მყოფ კირილს მილიციამ მიაკითხა. იმის გამო რომ კარი არ გაუღეს, სამართალდამცველებმა ბინაში დენი ჩაჭრეს.
