ჩვენთან ერთად მოიპოვეთ თავისუფლება!
ამსტერდამის რუსულმა მართლმადიდებლურმა ეკლესიამ მოსკოვის საპატრიარქოსგან გამოყოფის გადაწყვეტილება მიიღო. ამის შესახებ ინფორმაცია ეკლესიის ოფიციალურ ვებგვერდზე ვრცელდება.
"სასულიერო პირებმა ერთხმად განაცხადეს, რომ შეუძლებელია ფუნქციონირება და მორწმუნეებისთვის უსაფრთხო გარემოს შექმნა მოსკოვის საპატრიარქოს ფარგლებში", - ნათქვამია სასულიერო პირების ვებგვერდზე გამოქვეყნებულ განცხადებაში.
აღსანიშნავია, რომ ეს პირველი შემთხვევაა, როცა დასავლური ქვეყნის მართლმადიდებლური ეკლესია უკრაინაში შეჭრის გამო რუსეთთან კავშირს წყვეტს.
