ბატონო მინისტრო, მაინტერესებს, რამდენი მინისტრობის ვადა გჭირდებათ იმისთვის, რომ საბოლოოდ დაადგინოთ, რომელ კუნძულზე ისვენებს ბადრი ესებუა?
მიმართა "ერთიანი ნაციონალური მოძრაობის" წევრმა, ანა წითლიძემ შინაგან საქმეთა მინისტრ ვახტანგ გომელაურს პარლამენტის პლენარულ სხდომაზე.
შეგახსენებთ, ბადრი ესებუა 2020 წლის ოქტომბერში, ზუგდიდში, საქართველოს ბანკის ფილიალში შეიჭრა და მძევლები აიყვანა, შემდეგ კი გამოსასყიდის სახით ნახევარი მილიონი დოლარი აიღო და მიიმალა. პოლიციამ მას ამ დრომდე ვერ მიაგნო.
