პუტინი უკრაინის წინააღმდეგ ომში არასრულწლოვანთა ჩასართავად ემზადება - დაზვერვა
გამოქვეყნდა:
ცოცხალი ძალის ნაკლებობის გამო, საოკუპაციო არმიის რიგების შესავსებად კრემლის ხელმძღვანელობა არასრულწლოვანთა საომარ მოქმედებებში ჩართვას განიხილავს - ნათქვამია უკრაინის დაზვერვის ინფორმაციაში.
მათი ცნობით, ბრძანებას "სამხედრო-პატრიოტული საზოგადოებრივი მოძრაობა "იუნარმიას" წევრების უკრაინაში მიმდინარე "სპეცოპერაციაში" ჩართვის შესახებ, ხელი მოაწერა რუსეთის ფედერაციის თავდაცვის მინისტრმა, სერგეი შოიგუმ.
"ბრძანება ეხება საოკუპაციო არმიაში საომარ მოქმედებებში მონაწილე 17-18 წლის პოტენციური რეზერვის შესახებ ანგარიშების მომზადებას. რუსეთის ფედერაციის უმაღლესმა სამხედრო ხელმძღვანელობამ რაც შეიძლება მალე უნდა წარმოადგინოს წინადადებები ამ პერსონალის მომზადების შესახებ. ბრძანების აღსრულების მონიტორინგი რუსეთის შეიარაღებული ძალების მთავარი სამხედრო-პოლიტიკური დეპარტამენტის უფროსი, გენადი ჟიდკო ევალება", - ნათქვამია დაზვერვის ინფორმაციაში.
უწყების ინფორმაციით, "Юнармія" არის რუსული ბავშვთა და ახალგაზრდული სამხედრო ორგანიზაცია რუსეთის ფედერაციის თავდაცვის სამინისტროს დაქვემდებარებაში. გამოირჩეოდა რადიკალური პროპაგანდისტული მუშაობით რუს ახალგაზრდებში. ორგანიზაციის წევრები ხდებიან 8 წლიდან ბავშვები.
