აშშ უკრაინას, საიდუმლოდ შეძენილ საბჭოთა საჰაერო თავდაცვის სისტემებს უგზავნის - WSJ
გამოქვეყნდა:
რუსული საჰაერო თავდასხმებისგან დასაცავად, აშშ უკრაინაში საბჭოთა წარმოების საჰაერო თავდაცვას აგზავნის - ამის შესახებ ინფორმაციას WSJ ავრცელებს.
გამოცემა ამერიკის ოფიციალურ პირებზე დაყრდნობით წერს, რომ პენტაგონმა ათწლეულების წინ ფარული პროგრამის ფარგლებში შეიძინა საბჭოთა აღჭურვილობა. ეს იარაღი აშშ-ს არმიამ რუსული ტექნოლოგიების შესწავლისა და ამერიკელი სამხედროების მომზადების მიზნით მოიპოვა.
ჯერჯერობით დაზუსტებული არ არის კონკრეტულად რა სახის დახმარებას უგზავნის აშშ უკრაინას, თუმცა გამოცემა წერს, რომ დახმარება მოიცავს SA-8 მცირე რადიუსის სარაკეტო სისტემას.
სტატიაში აღნიშნულია, რომ ასეთი საჰაერო თავდაცვითი იარაღი უკრაინის არმიას გამოადგება, რადგან მან უკვე იცის, როგორ მუშაობს საბჭოთა სისტემები.
