უკრაინის პრეზიდენტმა, ვოლოდიმირ ზელენსკიმ ბუჩას, ირპენს, ნიკოლაევსა და ახტირკას "გმირი ქალაქის" წოდება მიანიჭა. ამის შესახებ მან ვიდეომიმართვაში ისაუბრა.
"დღეს ხელი მოვაწერე რამდენიმე ძალიან მნიშვნელოვან განკარგულებას:
ეროვნული გვარდიის 7 სამხედრო მოსამსახურისთვის უკრაინის გმირის წოდების მინიჭების შესახებ, მათგან 5, სამწუხაროდ, გარდაცვლილია;
ასევე, უკრაინის ეროვნული გვარდიის 240 და შეიარაღებული ძალების 119 სამხედრო მოსამსახურისთვის სახელმწიფო ჯილდოების მინიჭების შესახებ;
ადგილობრივი თვითმმართველობის 14 ლიდერისთვის სახელმწიფო ჯილდოების მინიჭების შესახებ;
31 მედიცინის მუშაკის სახელმწიფო ჯილდოებით დაჯილდოების შესახებ.
რაც შეეხება საპატიო ჯილდოს, "უკრაინის გმირი ქალაქის" წოდება მიენიჭა ოთხს ქალაქს: ბუჩას, ირპენს, ოხტირკასა და ნიკოლაევს", - თქვა ვოლოდიმირ ზელენსკიმ.
