დუმაში შეიტანეს კანონპროექტი, რომლითაც ყველა, ვინც რუსულ ენას ფლობს, თანამემამულედ ჩაითვლება
გამოქვეყნდა:
დუმაში შეიტანეს კანონპროექტი, რომლის მიხედვითაც ყველა, ვინც რუსულ ენას ფლობს, თანამემამულედ ჩაითვლება - კანონპროექტი დსთ-ს საკითხთა ევრაზიულ ინტეგრაციასა და თანამემამულეებთან ურთიერთობის კომიტეტის თავმჯდომარის პირველი მოადგილის კონსტანტინე ზატულინის ინიცირებულია.
კანონპროექტის მიხედვით, "თანამემამულედ" უნდა აღიარონ პირები, რომლებიც საუბრობენ რუსულად და მიეკუთვნებიან რუსეთის ისტორიულ ტერიტორიაზე მცხოვრებ ხალხებს, ასევე ისინი, ვისი უშუალო წინაპრებიც დაიბადნენ, ან ცხოვრობდნენ რუსეთის ფედერაციის ტერიტორიაზე.
გარდა ამისა, კანონპროექტის განმარტებით ბარათში წერია, რომ მხედველობაში მიიღება, ის გარემოებაც, რომ სსრკ-ს დაშლის შემდეგ ბოლო 30 წლის განმავლობაში გაიზარდა "თანამემამულეების" ახალი თაობა, რომლებსაც არ ჰქონდათ სსრკ-ს მოქალაქეობა.
