მიკოლაევში, ადმინისტრაციის შენობის დაბომბვის შედეგად დაღუპულთა რაოდენობა 14-მდე გაიზარდა
გამოქვეყნდა:
მიკოლაევში, რეგიონული სამხედრო-სამოქალაქო ადმინისტრაციის შენობაზე რუსი ოკუპანტების სარაკეტო თავდასხმის შედეგად დაღუპულთა რაოდენობა 14-მდე გაიზარდა. ინფორმაციას უკრაინის საგანგებო სიტუაციების მართვის სამსახური ავრცელებს.
უწყების ცნობით, 13 ადამიანი ნანგრევებიდან ამოყვანისას უკვე დაღუპული იყო, 1 კი საავადმყოფოში მიყვანის შემდეგ გარდაიცვალა.
სხვადასხვა სახის დაზიანება მიიღო 36-მა მოქალაქემ.
ადგილზე სამაშველო სამუშაოები ამ წუთებშიც მიმდინარეობს.
ცნობისთვის, სარაკეტო იერიში მიკოლაევში რუსმა ოკუპანტებმა გუშინ განახორციელეს.
