ეს არის ძალიან მნიშვნელოვანი ნაბიჯი - საკონსტიტუციო ცვლილებებს სამოქალაქო სექტორი ეხმაურება
გამოქვეყნდა:
დღევანდელ საპარლამენტო კენჭისყრას სამოქალაქო სექტორში გამოეხმაურნენ. არასამთავრობო ორგანიზაციები ცვლილებებს მნიშვნელოვანს უწოდებენ და იმედს გამოთქვამენ, რომ "ქართული ოცნება" 8 მარტის შეთანხმებას ბოლომდე შეასრულებს.
მივესალმებით, ბუნებრივია, პირველი მოსმენით ამ საკონსტიტუციო ცვლილებების მიღებას. ეს არის ძალიან მნიშვნელოვანი ნაბიჯი, იმისათვის რომ, ქვეყანაში უფრო სამართლიანი და გაუმჯობესებული საარჩევნო სისტემა გვქონდეს, - ამბობს სამოქალაქო სექტორის წარმომადგენელი.
არასამთავრობო ორგანიზაციების წევრები ხაზს უსვამენ 8 მარტის შეთანხმების ბოლომდე შესრულების აუცილებლობას.
ეს იქნება წინაპირობა, რომ არჩევნები ჩატარდეს შედარებით მშვიდ გარემოში, ნაკლებად პოლარიზებული იყოს წინასაარჩევნო პერიოდი და რაც ყველაზე მთავარია, პრობლემები არ შექმნას თავად არჩევნების ლეგიტიმურობის კუთხით, - განმარტავენ მესამე სექტორში.
