ზელენსკიმ თქვა, რომ ერთ-ერთმა წამყვანმა ევროპელმა პოლიტიკოსმა ბუჩაში რუსების ძალადობის მტკიცებულება მოსთხოვა - Bild
გამოქვეყნდა:
უკრაინის პრეზიდენტმა, ვოლოდიმირ ზელენსკიმ თქვა, რომ ერთ-ერთმა წამყვანმა ევროპელმა პოლიტიკოსმა ბუჩაში რუსი ოკუპანტების ძალადობის დამადასტურებული მტკიცებულება მოსთხოვა. ამის შესახებ Bild-ი ზელენსკისთან ინტერვიუზე დაყრდნობით წერს.
"ყველაზე ცუდი, რაც ზელენსკიმ ბოლო დღეების განმავლობაში მოისმინა? ევროკავშირის ერთ-ერთ წამყვან პოლიტიკოსს სურდა, ენახა უკრაინის პრეზიდენტის მტკიცებულება, რომ ბუჩას ომის დანაშაულები არ იყო დადგმული. ეს არის რიტორიკა, რომელიც პირდაპირ კრემლიდან მოდის", - წერს გამოცემა.
კითხვაზე, ეს პოლიტიკოსი არის თუ არა ევროპული ქვეყნის მთავრობის მეთაური, ზელენსკიმ უპასუხა: "დიახ".
უკრაინის პრეზიდენტმა თავი შეიკავა იმ პოლიტიკოსის გვარის დასახლებისგან, რომელმაც უთხრა: "გვიჩვენე მტკიცებულება, რომ ეს არ იყო დადგმული".
