სატელიტმა დააფიქსირა რუსეთის 12-კილომეტრიანი სამხედრო კოლონა, რომელიც ხარკოვის მიმართულებით გადაადგილდება - CNN
გამოქვეყნდა:
CNN უკრაინიდან სატელიტურ ფოტოებს აქვეყნებს - ფოტოებზე ასახულია 12 კილომეტრის სიგრძის რუსულ სამხედრო კოლონა ხარკოვის ოლქში.
ფოტოები 8 აპრილითაა დათარიღებული. სურათებში ნაჩვენებია ჯავშანტექნიკა, სატვირთო მანქანები ბუქსირებული არტილერიითა და დამხმარე აღჭურვილობით.
UNIAN წერს, რომ კოლონა აღმოსავლეთ უკრაინიდან, კერძოდ, ხარკოვის ოლქის სოფელ ველიკი-ბურლუკიდან რაიონული ცენტრის მიმართულებით გადაადგილდება. ველიკი-ბურლუკი ხარკოვის აღმოსავლეთით, რუსეთ-უკრაინის საზღვართან მდებარეობს.
