რუსმა ოკუპანტებმა დნეპროპეტროვსკის რეგიონზე კიდევ ერთი სარაკეტო დარტყმა განახორციელეს. თავდასხმის შესახებ ინფორმაციას ოლქის რეგიონული სახელმწიფო ადმინისტრაციის ხელმძღვანელი, ვალენტინ რეზნიჩენკო ავრცელებს.
მისი თქმით, ოკუპანტები თავდასხმის ერთ-ერთი სამიზნე ზვონეცკის ინფრასტრუქტურული ობიექტი იყო.
"ამჟამად იქ მაშველები მუშაობენ. ნგრევისა და დაღუპულთა რაოდენობის შესახებ მონაცემებს ვაზუსტებთ", - თქვა მან.
გარდა ამისა, რეზნიჩენკომ აღნიშნა, რომ რუსეთმა ხელახლა შეუტია დნეპროპეტროვსკის აეროპორტს:
"ამ ადგილისგან უკვე არაფერი დარჩა ცოცხალი. განადგურდა აეროპორტი და მიმდებარე ტერიტორია. რაკეტები მოფრინავდნენ და მოფრინავდნენ. მსხვერპლთა რაოდენობას ვაზუსტებთ", - ამბობს ვალენტინ რეზნიჩენკო.
