Societe Generale -მა განაცხადა, რომ შეწყვეტს საბანკო და სადაზღვევო საქმიანობას რუსეთში და როსბანკს გაყიდის - ამის შესახებ ინფორმაციას WSJ ავრცელებს.
ფრანგულმა ბანკმა განაცხადა, რომ როსბანკისა და რუსეთის სადაზღვევო შვილობილი კომპანიის მთელ წილს როსბანკის წინა აქციონერს Interros Group-ს გადასცემს.
SocGen-მა თქვა, რომ ბანკის გადაფორმება დაახლოებით 2 მილიარდ ევრომდე დაჯდება, რაც 2,18 მილიარდი დოლარის ექვივალენტია. მათივე ცნობით, ტრანზაქცია, სავარაუდოდ, დაიხურება უახლოეს კვირებში.
