ავსტრიის კანცლერმა კარლ ნეჰამერმა ვლადიმერ პუტინთან მოლაპარაკებების შესახებ კომენტარი გააკეთა:
მისი თქმით, ეს „არ იყო მეგობრული ვიზიტი“, შეხვედრა იყო „ძალიან მკაცრი“, ღია და პირდაპირი.
კერძოდ, შეხვედრაზე საუბარი იყო უკრაინაში რუსული არმიის სამხედრო დანაშაულებზე და მათი საერთაშორისო გამოძიების აუცილებლობაზე.
კანცლერმა ასევე განაცხადა, რომ რუსეთის წინააღმდეგ სანქციები გაგრძელდება და გამკაცრდება მანამ, სანამ უკრაინაში ადამიანები იღუპებიან.
