ხარკოვის ოლქში რუსმა ოკუპანტებმა საევაკუაციო ავტობუსებს ცეცხლი გაუხსნეს.
საოლქო პროკურატურის პრესსამსახურის ინფორმაციით, თავდასხმის შედეგად დაიღუპა 7 ადამიანი, 27 კი დაშავდა.
აგრესორებმა თავდასხმა იზიუმის რაიონში, სოფელ ბოროვაში 14 აპრილს განახორციელეს.
"ხარკოვის საოლქო პროკურატურის პროცესუალური ხელმძღვანელობით, დაწყებულია წინასწარი გამოძიება ომის კანონებისა და წეს-ჩვეულებების დარღვევის ფაქტებზე, განზრახ მკვლელობის ფაქტებთან ერთად", - ნათქვამია პროკურატურის განცხადებაში.
წინასწარ გამოძიებას ხარკოვის ოლქში უკრაინის უსაფრთხოების სამსახურის ოფისი აწარმოებს.
