სანქციების გამო, რუსული Alfa bank-ის აპლიკაცია App Store-ში ხელმისაწვდომი აღარ არის.
ბანკში განმარტავენ, რომ ისინი, ვისაც აპლიკაციის უახლესი ვერსია App Store-დან უკვე გადმოწერილი აქვთ, მის გამოყენებას კვლავ შეძლებენ, თუმცა Iphone-ზე აპლიკაციის ახლა დაყენება შეუძლებელია.
საკრედიტო ორგანიზაციაში იმედს გამოთქვამენ, რომ აპლიკაცია App Store-ში მალე დაბრუნდება.
ბანკის მომხმარებლებს სთავაზობს, ისარგებლონ ინტერნეტ ბანკინგით, რომელიც ხელმისაწვდომია როგორც სმარტოფნებზე, ასევე კომპიუტერებზე.
შეგახსენებთ, აშშ-ის ხელისუფლებამ რუსული Alfa bank-ი და Sberbank-ი SDN-ის სიაში შეიყვანა, რაც აქტივების გაყინვას, ასევე ამერიკის მოქალაქეებისთვის ამ ბანკებთან ბიზნესსაქმიანობის აკრძალვას გულისხმობს.
