პუტინი ამბობს, რომ უკრაინის გამო დასავლეთმა სანქციების დაწესებით, "ავტოგოლი გაიტანა", რადგან მისი თქმით, ამან გამოიწვია "დასავლეთის ეკონომიკის გაუარესება".
რუსეთის პრეზიდენტმა, ვლადიმერ პუტინმა აღიარა, რომ სანქციები, რომლებიც რუსეთს დაუწესა "არამეგობრულმა ქვეყნებმა, ზეგავლენა მოახდინა ბიზნესზე და გაართულა საგარეო და საშინაო მიწოდების ლოჯისტიკა". თუმცა რუსეთის შიდა ეკონომიკის მდგომარეობაზე საუბრისას, პუტინმა თქვა, რომ ინფლაცია სტაბილიზდება და ქვეყანაში საცალო მოთხოვნა ნორმალიზდება.
