კრემლი წარუმატებლობის გამო, არმიისა და საზღვაო ძალების უმაღლესი ხელმძღვანელობის "წმენდას" განაგრძობს | ჩამონათვალი

კრემლი რუსეთის არმიისა და საზღვაო ძალების უმაღლესი ხელმძღვანელობის "წმენდას" განაგრძობს - ამის შესახებ ეროვნული ტელემარათონის ეთერში უკრაინის თავდაცვის სამინისტროს წარმომადგენელმა, ვადიმ სკიბიცკიმ ისაუბრა.

​უწყების ცნობით, რუსული საოკუპაციო ნაწილების ხმელეთზე დამარცხებისა და რუსეთის ფედერაციის შავი ზღვის ფლოტის ფლაგმანი "მოსკოვის" განადგურების შემდეგ, არმიისა და საზღვაო ძალების სარდლობის წინააღმდეგ რეპრესიების მორიგი ეტაპი დაიწყო.

• უკრაინის სამხედრო დაზვერვის ინფორმაციით, შავი ზღვის ფლოტის მეთაური ადმირალი ი. ოსიპოვი თანამდებობიდან გაათავისუფლეს და დააკავეს. საგამოძიებო მოქმედებები შტაბის უფროსის - შავი ზღვის ფლოტის მეთაურის პირველი მოადგილის, ვიცე-ადმირალ ს.პინჩუკის წინააღმდეგაც მიმდინარეობს.
• საომარი მოქმედებებისთვის არადამაკმაყოფილებელი მომზადებისა და პერსონალის, იარაღისა და სამხედრო ტექნიკის დიდი დანაკარგის გამო, მე-6 არმიის მეთაურის პოზიციიდან, გენერალ-ლეიტენანტი ვ.ერშოვი გადააყენეს, ასევე, გადააყენეს დასავლეთის სამხედრო ოლქის პირველი სატანკო არმიის, გენერალ-ლეიტენანტი ს.კისელი და მისი მოადგილე.
• ასევე, დასახული ამოცანების არადამაკმაყოფილებელი შესრულების გამო გენერალ-მაიორი ა.მარზოევი მოხსნეს სამხრეთ სამხედრო ოლქის 22-ე პოლკის მეთაურის თანამდებობიდან.
• აღმოსავლეთის ჯარების ლოჯისტიკის არადამაკმაყოფილებელი ორგანიზების გამო,103-ე ცალკეული ბრიგადის მეთაური, პოლკოვნიკი მ. პონომარევი, თანამდებობიდან გაათავისუფლეს.