საფრანგეთში საპრეზიდენტო არჩევნების მეორე ტური მიმდინარეობს. მოქალაქეებმა არჩევანი მოქმედ პრეზიდენტ ემანუელ მაკრონსა და ულტრამემარჯვენე მარინ ლე პენს შორის უნდა გააკეთონ.
ქვეყნის მასშტაბით საარჩევნო უბნები 08:00 საათზე გაიხსნა და 20:00 საათზე დაიხურება. სწორედ უბნების დახურვის შემდეგ იქნება ცნობილი პირველადი ეგზიტპოლების შედეგები.
ცნობისთვის, პირველ ტურში მაკრონმა ამომრჩეველთა ხმების 27.8% მიიღო, ხოლო მარინ ლე პენმა 23.1%.
ხმის მისაცემად დაახლოებით 48,7 მილიონი მოქალაქეა რეგისტრირებული.
