ოდესის რაიონში რუსეთმა კვლავ ესროლა რაკეტა დნესტრის შესართავთან არსებულ ხიდს - ამის შესახებ ოდესის რეგიონალური სამხედრო ადმინისტრაციის ოპერატიული შტაბის სპიკერმა, სერგეი ბრაჩუკმა განაცხადა.
"დნესტრის შესართავთან ხიდზე სარაკეტო სროლა განხორციელდა. ინფორმაციის დაზუსტება მიმდინარეობს", - განაცხადა ბრაჩუკმა.
ხიდზე თავდასხმა ოპერატიული სარდლობა "სამხრეთმაც" დაადასტურა.
"ოდესის რაიონში სამი რაკეტა გაისროლეს. მტერი აგრძელებს დნესტრის შესართავზე უმოქმედო ხიდის განადგურებას. ინფორმაცია ზარალისა და მსხვერპლის შესახებ ზუსტდება", - ნათქვამია განცხადებაში.
ცნობისთვის, გასულ კვირას ოდესის რეგიონში რუსმა ოკუპანტებმა დნესტრის შესართავთან რკინიგზის ხიდს ორჯერ ესროლეს რაკეტა.
