"უაღრესად საინტერესო და გასათვალისწინებელია მისი ბრძნული მოსაზრებები და რჩევები" | ღარიბაშვილი პატრიარქს შეხვდა
გამოქვეყნდა:
პრემიერმინისტრი ირაკლი ღარიბაშვილი საპატრიარქოში ილია II-ს შეხვდა. ამის შესახებ ღარიბაშვილი Facebook-ზე წერს.
"დღეს, საპატრიარქოში ვესტუმრე სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს.
ვისაუბრეთ ქვეყნისთვის მნიშვნელოვან საკითხებზე, ასევე მსოფლიოში მიმდინარე მოვლენებზე.
ჩემთვის ყოველთვის დიდი პატივია მის უწმინდესობასთან შეხვედრა. უაღრესად საინტერესო და გასათვალისწინებელია მისი ბრძნული მოსაზრებები და რჩევები.
ჯანმრთელობას და დიდხანს სიცოცხლეს ვუსურვებ ჩვენს პატრიარქს",-დაწერა ღარიბაშვილმა.
