ასპინძაში თანასოფლელის მკვლელობისთვის წარსულში ნასამართლევი პირი დააკავეს
გამოქვეყნდა:
შინაგან საქმეთა სამინისტროს ცნობით, ასპინძაში მომხდარი მკვლელობის ფაქტზე1986 წელს დაბადებული, წარსულში ნასამართლევი ა.ნ. დააკავეს.
"გამოძიებით დადგინდა, რომ ბრალდებულმა მიმდინარე წლის 5 მაისს, დაბა ასპინძაში, ურთიერთშელაპარაკების ნიადაგზე ცივი იარაღით კისრის არეში ჭრილობა მიაყენა თანასოფლელს, 1986 წელს დაბადებულ ი.მ.-ს, რომელიც შემთხვევის ადგილზე გარდაიცვალა", - წერია უწყების განცხადებაში.
განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.
