ოდესას დროებით ოკუპირებული ყირიმის ტერიტორიიდან 4 რაკეტა ესროლეს - სერგეი ბრაჩუკი
გამოქვეყნდა:
ოდესის ოლქის სამხედრო ადმინისტრაციის სპიკერის, სერგეი ბრაჩუკის განცხადებით, რუსეთის ძალებმა ოთხი საკრუიზო რაკეტა „ონიქსი“ გაუშვეს სამხრეთ უკრაინაში, ოდესის რეგიონში.
„რაკეტები გვესროლეს დროებით ოკუპირებული ყირიმის ტერიტორიიდან“, - თქვა მან.
ბრაჩუკს არ დაუზუსტებია დეტალები იმის შესახებ, თუ სად მოხვდა რაკეტები და არის თუ არა მსხვერპლი.
უკრაინის შავი ზღვის სანაპიროზე ბოლო დღეებში რუსული ძალების სარაკეტო თავდასხმების მნიშვნელოვანი მატებაა.
