მგზავრმა, რომელსაც ფრენის გამოცდილება არ ჰქონდა, ფლორიდის აეროპორტში თვითმფრინავი უსაფრთხოდ დასვა
გამოქვეყნდა:
მგზავრმა, რომელსაც ფრენის გამოცდილება არ ჰქონდა, ფლორიდის აეროპორტში კერძო თვითმფრინავი უსაფრთხოდ დასვა. შემთხვევა სამშაბათს, 10 მაისს მოხდა, მაშინ, როცა მოულოდნელად თვითმფრინავის პილოტი შეუძლოდ გახდა.
CNN-ის მიერ მოპოვებულ LiveATC.net-ის აუდიო ჩანაწერში ისმის, რომ მგზავრი საჰაერო მოძრაობის კონტროლიორს ეუბნება, რომ მან არ იცის, როგორ უნდა მართოს თვითმფრინავი.
"აქ სერიოზული მდგომარეობაა, ჩემი პილოტი არათანმიმდევრული გახდა და წარმოდგენა არ მაქვს, როგორ ვმართო თვითმფრინავი", - თქვა ჩანაწერში მგზავრმა.
საჰაერო მოძრაობის კონტროლიორმა მას ინსტრუქცია მიაწოდა თვითმფრინავის დაშვების შესახებ, მგზავრმა კი ის საბოლოოდ ფლორიდაში, პალმ-ბიჩის საერთაშორისო აეროპორტში დასვა.
"ორი ადამიანი იმყოფებოდა ერთძრავიან Cessna 208-ზე, როცა პილოტს, სავარაუდოდ, ჯანმრთელობის პრობლემა შეექმნა", - ნათქვამია ფედერალური საავიაციო ადმინისტრაციის განცხადებაში.
ფედერალური საავიაციო ადმინისტრაცია მომხდარს იძიებს.
