რუს ოკუპანტებს წუხელ ოდესა არ დაუბომბავთ, თუმცა სარაკეტო დარტყმის რისკი კვლავ ძალიან მაღალია, - ამის შესახებ ოდესის რეგიონული სამხედრო ადმინისტრაციის ოპერატიული შტაბის პრესმდივანმა, სერგეი ბრაჩუკმა განაცხადა.
"მადლობა ღმერთს, დაბომბვა არ ყოფილა. სიტუაცია ჯერჯერობით კონტროლირებადია, თუმცა სარაკეტო დარტყმის ალბათობა კვლავ ძალიან მაღალია", - თქვა ბრაჩუკმა.
მანვე დასძინა, რომ ქალაქში ყველა კომუნალური სამსახური მუშაობს და ადგილობრივი ხელისუფლება ცდილობს, მაქსიმალურად დაეხმაროს ბიზნესს მუშაობის განახლებაში.
