ეგვიპტემ საკუთარ წყლებში უკრაინაში მოპარული ხორბლით დატვირთული გემი არ შეუშვა- ამის შესახებ განცხადებას უკრაინის საგარეო საქმეთა მინისტრი twitter-ის საკუთარ გვერდზე ავრცელებს.
"მადლობა ეგვიპტეს რომ უკრაინაში მოპარული ხორბლით დატვირთული გემი არ მიიღო. ჩვენ შევთანხმდით კოორდინირებაზე, რათა რუსეთმა განბლოკოს უკრაინის სურსათის ექსპორტი. უკრაინა და ეგვიპტე აგრძელებენ ერთად მუშაობას სურსათის უსაფრთხოების უზრუნველსაყოფად " - წერს დმიტრო კულება.
