თალიბანის ბრძანებით, ავღანეთში ტელეწამყვანი ქალები ეთერში ჰიჯაბით და დაფარული სახეებით იქნებიან
გამოქვეყნდა:
ავღანეთში, თალიბანის ახალი ბრძანებით ტელეწამყვანი ქალები ეთერში ჰიჯაბით და დაფარული სახეებით იქნებიან, - ამის შესახებ ინფორმაციას BBC ავრცელებს.
გამოცემის ცნობით, თალიბანის მიერ შემოღებულ წესებზე რამდენიმე დღის წინ, ზოგიერთმა წამყვანმა უარი თქვა, თუმცა მათ დამსაქმებლების ზეწოლას ვეღარ გაუძლეს.
TOLOnews-ის წამყვანის, ფარიდა სიალის თქმით, თალიბებს სურთ ქალების წაშლა სოციალური და პოლიტიკური ცხოვრებიდან.
"ჩვენი რელიგიიდან გამომდინარე, არაუშავს, თუ თმას დავიფარავთ, მაგრამ წამყვანებს ძალიან უჭირთ ზედიზედ 2-3 საათით სახედაფარულ მდგომარეობაში საუბარი. თალიბებს სურთ ქალების წაშლა სოციალური და პოლიტიკური ცხოვრებიდან“, - ამბობს ფარიდა სიალი.
