ქართული ოცნება დასავლეთთან პირდაპირ საქმის გარჩევის და კონფრონტაციის რეჟიმში გადავიდა. ბევრი მკითხაობა არ სჭირდება იმის მიხვედრას, რომ ევროკავშირის კანდიდატობაზე საბოლოო პასუხის მიღებამდე ორი კვირით ადრე ნიკა გვარამიას დაპატიმრება საქართველოს დასავლური პერსპექტივებისთვის სახეში სილის გაწვნაა.
ევროპიდან თუ საერთაშორისო ორგანიზაციებიდან წამოსულ კრიტიკას ხელისუფლება პირდაპირ შანტაჟით პასუხობს და აქედანვე ამზადებს ნიადაგს, რომ საზოგადოებას ჩავარდნილი კანდიდატობა არა საკუთარ მარცხად შესთავაზოს, არამედ ოპოზიციის და დასავლეთის შეთქმულებად ივანიშვილის წინააღმდეგ.
