მარიუპოლში, ყოფილი "ოქტომბრის" ქარხნის ტერიტორიაზე 70-მდე მშვიდობიანი მოქალაქის ცხედარი იპოვეს. ცხედრები ოკუპანტების მიერ დაბომბვის შედეგად ნანგრევებში იყო მოყოლილი.
ქალაქის მერის მრჩევლის, პეტრო ანდრიუშენკოს ცნობით, გარდაცვლილები დასაკრძალად მასობრივ სასაფლაოზე გადაასვენეს.
"კუინჯიში, ყოფილი "ოქტომბრის" ქარხნის ტერიტორიაზე 70-მდე ცხედარი იპოვეს. გარდაცვალების მიზეზი იგივეა - ხალხი დაბომბვის შედეგად, შენობის ნანგრევებში მოყვა", - ამბობს ანდრიუშენკო.
მანვე აღნიშნა, რომ დაღუპულთა იდენტიფიკაცია ჯერჯერობით არ განხორციელებულა.
ადგილობრივების თქმით, ცხედრების მდგომარეობის გათვალისწინებით, "ამოსაცნობი არაფერი იყო".
