პროტესტი პარლამენტს შიგნით და გარეთ - ღარიბაშვილმა ჟურნალისტებთან გამოჩენა ვერ გაბედა, თუმცა მათი მოსმენა მაინც მოუწია
გამოქვეყნდა:
პრემიერის გამოსვლა პარლამენტში პროტესტის ფონზე შედგა. კრიტიკული მედია დღეს პარლამენტის წინ კონკრეტული გზავნილით ისევ გაერთიანდა. გათავისუფლდეს ნიკა გვარამია, დასრულდეს პოლიტიკური რეპრესიები და დაუბრუნდეს ქართული ოცნება აცდენილ დასავლურ კურსს. ღარიბაშვილმა დღეს პირველად არ ისარგებლა ტრადიციული საავტომობილო შესასვლელით, მან სათადარიგო გზა გამოიყენა, რომ ჩვენი საპროტესტო ხმა ვერ გაეგო, თუმცა პრემიერს მაინც დავხვდით. მთავრობის მეთაურს დიდი ძალისხმევის მიუხედავად, აქციის იგნორირება არ გამოუვიდა.
