"მოჰყევით რას გაიძულებდნენ ძმები, რას განიხილავდით ხუთდღიანი სტუმრობისას ერევანში" - ნიკო კვარაცხელიას დედა ძმები კაკულიების დაკავებას ეხმაურება
გამოქვეყნდა:
ვერაზე მოკლული ნიკო კვარაცხელიას დედა მიმართვას ავრცელებს, სადაც ძმები კაკულიების დაკავებას ეხმაურება:
“მზე ჩასვლის შემდეგაც რჩება მნათობად!”
ძალიან რთული დღე გვაქვს, ემოციურად ურთულესი, დააკავეს ჩვენი შვილის მკვლელობის საქმეში დამკვეთებად დასახელებული ძმები(ეს ინფორმაცია ჩვენთვის ცნობილია მკვლელი ჭელიძის და მკვლელი კაველაძის აღიარებიდან) ძმებმა კიდევ ერთხელ გამოიჩინეს თავი, და გასროლით ამცნეს ქალაქის შუაგულს აქ ვართ არსად წავსულვართ დაიჩოქეთო. არა შვილებო არა! ვერ დაგიჩოქებთ და თქვენ ნამდვილად მოგიწევთ დაჩოქება უფლის წინაშე.ვიმედოვნებ ეყოფა შესაბამის ორგანოებს გონი და იარაღის უკანონო შენახვა ტარებას კი არა ნიკოს ამბავს მოჰკითხავენ საფუძვლიანად, თქვენ კი შიშს დამონებულო კემბრიჯ - ვებსტერელო ახალგაზრდებო ნუღარ შეგეშინდებათ და მოჰყევით რას გაიძულებდნენ ძმები, რას განიხილავდით ხუთდღიანი სტუმრობისას ერევანში! სანამ ძმებს გაუღიათ პირი ითანამშრომლეთ პროკურატურასთან, თქვენი ყურში ჩურჩული არავის სჭირდება და მოჰყევით თამამად ან თუნდაც დედების თანდასწრებით!!!" წერს ნიკო კვარაცხელიას დედა.
იზა ომაძის მიმართვას feedc -ი ავრცელებს.
ძმები კაკულიები პოლიციამ გასულ ღამეს დააკავა. "მთავარის" ინფორმაციით, ისინი არაყიშვილის ქუჩაზე მომხდარი შეიარაღებული თავდასხმის გამო არიან დაკავებულები, თუმცა ბრალს არ აღიარებენ და დუმილის უფლებას იყენებენ.
სწორედ ძმები კაკულიები სახელდებოდნენ ნიკო კვარაცხელიას მკვლელობის დამკვეთებად, თუმცა ოფიციალურად ეს ვერსია არ დადასტურებულა.
ნიკო კვარაცხელიას მკვლელობაში ბრალდებულების განაჩენი მოსამართლემ 15 აპრილს გამოიტანა და აკო ჭელიძეს 17, გიორგი კავილაძეს კი 16 წლით პატიმრობა მიუსაჯა.
