ღრმა მწუხარებას გამოვთქვამთ ილია ელოშვილის მოულოდნელი გარდაცვალების გამო - მერია
გამოქვეყნდა:
თბილისის მერის მოადგილის, ილია ელოშვილის გარდაცვალების ფაქტს მერია ეხმაურება და ოჯახს, ახლობლებსა და მუნიციპალიტეტს უსამძიმრებს:
"ღრმა მწუხარებას გამოვთქვამთ თბილისის მერის მოადგილის, ილია ელოშვილის მოულოდნელი გარდაცვალების გამო.
ვუსამძიმრებთ მის ოჯახს, ახლობლებს, თბილისის მუნიციპალიტეტს. ილია ელოშვილის გარდაცვალება უდიდესი დანაკლისია თბილისის მერიისთვის, ჩვენი ქალაქისთვის", - აღნიშნულია განცხადებაში.
ცნობისთვის, ილია ელოშვილი საცხოვრებელ სახლში გარდაცვლილი დღეს ნახეს. მომხდარზე გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გარდაცვალების მიზეზი ჯერჯერობით უცნობია.ელოშვილის ცხედარი უკვე გადაასვენეს ექსპერტიზის ბიუროში.
