ავსტრალიის სანაპიროებთან მსოფლიოში ყველაზე დიდი მცენარე აღმოაჩინეს - ამის შესახებ საერთაშორისო გამოცემა BBC წერს.
გამოცემის ცნობით, დედამიწაზე ყველაზე დიდი მცენარე - ზღვის ბალახი, (ასევე, ცნობილი, როგორც სარეველა ლენტი) მანჰეტენზე დაახლოებით სამჯერ დიდია. გენეტიკური ტესტირების გამოყენებით, მეცნიერებმა დაადგინეს, რომ დასავლეთ ავსტრალიაში დიდი წყალქვეშა მდელო სინამდვილეში ერთი მცენარეა.
ითვლება, რომ ის გავრცელდა ერთი თესლიდან მინიმუმ 4 500 წლის განმავლობაში. დასავლეთ ავსტრალიის უნივერსიტეტის მკვლევრებმა განაცხადეს, რომ ზღვის ბალახი მოიცავს დაახლოებით 200 კვადრატულ კილომეტრს.
მკვლევარებმა შეაგროვეს ყლორტები და გამოიკვლიეს 18000 გენეტიკური მარკერი, რათა შეექმნათ „ ანაბეჭდი“ თითოეული ნიმუშიდან. მათი მიზანი იყო, გაერკვიათ, რამდენ მცენარეს შეადგენდა მდელო.
მკვლევარების თქმით, ზღვის ბალახის ზომა მოიცავს 20 000 ფეხბურთის მოედანს.
"პასუხმა გაგვაოგნა - სულ ერთი იყო! ესე იგი, მხოლოდ ერთი მცენარე გაფართოვდა 180 კილომეტრს ზვიგენის ყურეში, რაც მას ყველაზე ცნობილ მცენარედ აქცევს დედამიწაზე”,- თქვა ჯეინ ეჯელოემ, კვლევის წამყვანმა ავტორმა.
ცნობისთვის, მცენარე გამოირჩევა გამძლეობით, რადგან ის გაიზარდა ყურის გასწვრივ ველურ პირობებში ცვალებად პირობებში. სახეობა ჩვეულებრივ წელიწადში 35 სმ-ით იზრდება.
