როგორ იცნობენ "ოცნებას" დასავლეთში - ევროპის სოციალისტური პარტიის ვებგვერდზე საქართველოს ლიდერად გიორგი კვირიკაშვილია მითითებული
გამოქვეყნდა:
ევროპის სოციალისტური პარტიის ოფიციალურ ვებგვერდზე, საქართველოს ლიდერად, ისევ ყოფილი პრემიერი, გიორგი კვირიკაშვილია მითითებული.
"ქართული ოცნება" ევროპის სოციალისტური პარტიის წევრი რამდენიმე წლის წინ, ბიძინა ივანიშვილის გადაწყვეტილებით გახდა. სოციალ დემოკრატთა გაერთიანება, ერთ-ერთი მსხვილი ჯგუფია, რომელიც ევროპის სახალხო პარტიის კონკურენტად მოიაზრება.
ანალიტიკოსები ამბობენ, რომ ხელისუფლება დასავლელ პარტნიორებთან რეალური კონტაქტების დამყარებას არ ცდილობს, ეს შემთხვევა კი მათი თქმით, კიდევ ერთხელ ადასტურებს, რომ ევროპაში "ოცნების" ცნობადობა უკვე ძალიან დაბალია.
